Yfir minningunni um tónlistarkonuna Lillu grúfir dimmur skuggi. Eftir stuttan en glæsilegan feril hvarf hún desemberkvöld eitt og fannst nokkrum mánuðum síðar myrt á hrottafenginn hátt. En ódæðismaðurinn fannst aldrei.
Lítt þekktur rithöfundur fær það verkefni að skrifa ævisögu tónlistarkonunnar. Ekki vakir fyrir honum að kanna afdrif hennar nánar, enda er honum ætlaður skammur tími til verksins. En kvöld eitt verður á vegi hans ung kona sem býr yfir óþægilegri vitneskju ...
Allt frá því Sigurjón Magnússon sendi frá sér skáldsöguna Góða nótt, Silja árið 1997 hefur hann verið meðal okkar fremstu skáldsagnahöfunda. Síðasta skáldsaga hans, Endimörk heimsins, var tilnefnd til Íslensku bókmenntaverðlaunanna.